Gobierno de España. Ministerio de Hacienda y Administraciones Públicas. Abre nueva ventana

Secretaría de Estado de Presupuestos y Gastos

Inbentarioaren Kudeaketa modulua

1. Ondasunen inbentarioa kudeatzeko sistema.

SOROLLA sistemaren barruan, helburua da "Gestión de Inventario (GDI)" moduluak tresna erabilgarri bat izatea, hainbat ikuspuntutatik erakunde baten inbentarioaren osaera eta inbentarioak denboraren joanean duen bilakaera interesatu dakizkiokeen organo kudeatzaileentzat.

Horretarako, inbentarioa kudeatzeko sisteman inbentaria daitezkeen ondasun guztiak banaka kudeatzen dira, hau da, erakundearen ibilgetua, materiala nahiz immateriala, osatzen duten horiek, inbentarioan sartzeko aukera ematen duen titulua eta ondasun mota horiei egoki dakizkiekeen eskubideak edozein izanda ere. Finantza-ibilgetua kanpo geratzen da.

Hori guztia Herri Administrazioen Ondareari buruzko 33/2002 Legearen II. kapituluan adierazitakoari jarraiki egiten da, eta Lege horrek Herri Administrazioen ondareari buruz egiten duen definizioa kontuan hartuta: "Herri Administrazioen ondarea ondasunek eta eskubide-multzoak osatzen dute. Ondasun eta eskubide horiek edozein motatakoak izan daitezke, eta haiek eskuratzeko titulua edo administrazioei esleitzeko erabili den titulua ere edozein izan daiteke.

Estatuko Administrazio Nagusiari lotutako ministerio-sailen eta erakunde publikoen ondare-kudeaketan eskumena duten unitateentzat da sistema hori, edo Estatuko Administrazio Nagusiaren mendekoentzat. Herri Administrazioen Ondareari buruzko 33/2003 Legearen 33.1. artikuluaren arabera, mendeko horiek organo osagarri gisa jokatuko dute.

Ondasunen inbentarioa kudeatzeko sistemak helburu hauek ditu, besteak beste:

Erakundearen ibilgetua osatzen duten ondasunen esanahi bakarreko identifikazioa ematea.
Ondasun horietako bakoitzean eragiten dieten kontularitzako printzipioak aplikatzea, inbentarioaren balioespen fidagarria egiteko eta erakundearen kontularitzaren euskarri bat eskuratzeko.
Ondasun bakoitza zer egoera juridikotan dagoen jakitea Izan ere, horrek eragin zuzena izango du ondasun horren erabilerari, lagapenari eta abarri buruzko erabakietan, bai eta ondare horren kontularitzako balioespenean eta/edo amortizazioan ere. Horri dagokionez, adierazi behar da inbentarioan erakundearekin zerikusia duten ondasun guztiak agertu behar direla, eskuratutakoak nahiz alokatutakoak, lagatakoak, lagapenean jasotakoak, edo erakundeak beste edozein titulu juridikorengatik edo ez izateagatik dituen edo erabiltzen dituen ondareak.
IGAEren 1999/12/12ko Ebazpenean, ekitaldiaren amaieran egin beharreko zenbait kontularitza-eragiketa arautzen dituenean, proposatutako metodo linealarekiko metatutako amortizazioaren eta ekitaldiko amortizazioaren arteko aldea kuantifikatzen duen txosten bat eskuratzea. Ibilgetuaren amortizazioak…".
Informazio guztia biltegiratzea Informazio horrek bide eman behar du, kontularitza-ondorioak izan gabe, zenbait organo kudeatzaileri inbentaria daitezkeen ondasunak zentzu handiagoz erabiltzeko, eta inbentarioa osatzen duten zenbait elementuren eskuratzeak eta banatzeak planifikatzen laguntzeko ere balio behar du. Datuek edo dokumentuek (planoak, argazkiak, fakturak, etab.) osa dezakete informazio hori.
Elementu bakoitzaren ekonomia- eta kontularitza-historia sortzea, aldaketa horietako bakoitza islatzen duten eragiketen bidez, indarrean dagoen araudiaren arabera. Eragiketa horiek ondare jakin batean egin daitezke edo masiboki ondasun batzuetan. Azken horren adibide bat izango litzateke higigarriak aldatzeagatik ondare-kopuru handi baten baja-espedientea egitea.
Aplikazioan jasotako informazioa ustiatzea erabiltzaile bakoitzak pertsonaliza dezakeen sarbide- eta/edo lan-profil bat esleitzearen bidez, eta informazio arruntagoa eskuratzea kontsulta parametriko indartsuagoen bidez edo erabiltzaileak berak diseinatutako kontsultak eginez. Kontsulta horiek aukera eman behar dute barne-emaitzak beste ofimatika-tresna batzuetara esportatzeko.
Kontularitza analitikoari laguntzea, zentroetan eta jardueretan kostuak zentzuz banatzen lagunduz, amortizazioaren banakako banaketa egiteko aukera ematen baitu. Izan ere, amortizazioa ondasun bakoitzarentzat kalkulatzen da, amortizatzeko epean gertatu zaizkion gorabehera guztiak eta bakoitza kontuan hartuz.

Aurreko helburuak lortzeko, aplikazioak erakunde bakoitzak inbentarioa pertsonalizatzeko aukera zabala eskaintzen du, bai eta erabiltzaileen profil indartsu bat ere, erabiltzaile bakoitzak egin ditzakeen funtzioak eta zer ondasun erabil ditzakeen barne hartzen duena.

Duela gutxi, inbentarioaren hasierako kargako datuak jasotzeko diseinatu den aplikazio bat ekoizten hasi dira, ondareen inbentarioa kudeatzeko sistemaren osagarri gisa.