a) APLICACIÓN SINOI. Para lle notificar unha incidencia á Unidade de Coordinación de Incidencias, debe conectarse á aplicación SINOI a través da icona de acceso que se mostra neste punto e que terá dispoñible no seu escritorio personalizado. Unha vez na aplicación, deberá seleccionar: "Incidencias". "Incidencias software" (e pulsar o botón "Pedir hora"). Os campos obrigatorios que debe cubrir son os que aparecen en grosa e con asterisco. A descrición da incidencia deberá conter un texto explicativo que resuma o seu problema. No campo "Detalles", débese especificar a forma de conexión (intranet administrativa –tamén chamada rede SARA– ou internet...) e a descrición detallada do problema (acción que se estaba realizando, mensaxe exacta do erro, páxina na que aparece etc.). Tamén se seleccionará o sistema de información co que existen dificultades, mediante a categorización de produto:
- Nivel 1 categoriz. de produto*: SOFTWARE
- Nivel 2 categoriz. de produto*: APLICACIÓN
- Nivel 3 categoriz. de produto*: Seleccionar o sistema de información
Unha vez completados os datos anteriores, hai que pulsar no botón Enviar petición para que a incidencia sexa dada de alta na aplicación SINOI. Visualizarase unha ventá co número de incidencia asignado, do tipo REQ000000112233, e pulsarase no botón Aceptar.
A aplicación mostraralle unha consola coas peticións enviadas. Ao seleccionar unha incidencia, na bitácora de actividades poderá realizar o seguimento desta, ben consultando os datos que remitan aos grupos de soporte que interveñan na súa resolución, ben engadindo información á incidencia a través do botón Agregar.
Nesta mesma consola poderá confirmar ou rexeitar a solución achegada a unha incidencia. Para iso, deberá acceder polo enlace Responder enquisas, seleccionar a incidencia e pulsar no botón Responder.
Deberá contestar polo menos unha das 4 preguntas da enquisa e seleccionar:
- Cerrar a petición de servizo para confirmar a solución ou
- Reabrir a petición de servizo para rexeitar a solución.
A continuación, pulsar botón Enviar.
b) CORREO ELECTRÓNICO. Caixa de correo: uci@igae.minhap.es. Os usuarios poderán dirixirse a esta caixa de correo electrónico ante a imposibilidade de notificar unha incidencia a través da aplicación SINOI. Para iso, débese enviar un correo electrónico ao enderezo uci@igae.minhap.es e indicarase no campo "Asunto", o código de usuario (8 posicións), un espazo en branco e, a continuación, calquera texto descritivo que resuma o seu problema: Por exemplo: "Erro na aplicación XXXXX"; "Problemas co certificado", "Erro no acceso ao escritorio personalizado" etc. No corpo da mensaxe, débese especificar: nome e apelidos da persoa de contacto, teléfono, enderezo de correo electrónico, localización (comunidade autónoma, concello, etc.), forma de conexión (intranet administrativa –tamén chamada rede SARA– ou internet) e a descrición detallada do problema (acción que se estaba realizando, mensaxe exacta do erro, páxina na que aparece etc.).
c) FAX Nº. 91 583 97 76. Os usuarios poderán dirixirse a este número de telefax ante a imposibilidade de notificar unha incidencia a través da aplicación SINOI ou do correo electrónico.
d) NUMERO TELEFONO. 91 583 14 33 (con catro liñas). Os usuarios poderán dirixirse a este número de teléfono ante a imposibilidade xustificada de notificar a incidencia a través dos métodos anteriores.